سڌ سماءَ واري نگران وفاقي وزير مرتضيٰ سولنگي چيو آهي ته عوام جي تڪليف ۽ ڪاوڙ جائز آهي پر احتجاج ڪرڻ سان بجلي جا بل گهٽ نٿا ٿي سگهن، پر امن ۽ پرتشدد احتجاج ۾ فرق سمجهڻو پوندو، عوام ڊسڪوز ملازمن تي تشدد بدران مسئلي جي حل طرف اچن، نگران وزيراعظم بجلي جي بلن ۾ اضافي جو نوٽيس ورتو آهي، نگران وفاقي ڪابينا جي اجلاس ان معاملي تي غور ڪيو ويندو، آءِ ايم ايف پروگرام ۾ رهندي ماڻهن کي رليف ڏئي سگهجي ٿو.
جاري ڪيل بيان ۾ مرتضيٰ سولنگي چيو ته نگران حڪومت 17 آگسٽ تي قسم کنيو، ان بحث ۾ نه پوڻ گهرجي ته بجلي جا بلن ۾ اضافي جو ذميوار ڪير آهي، سندن فوڪس آهي ته عوام کي ڪنهن به ريت رليف ڏنو وڃي.
هن چيو ته نگران وزيراعظم بجلي جي بلن ۾ اضافي جو نوٽيس ورتو آهي، نگران وفاقي ڪابينا جي اجلاس ان معاملي تي غور ڪيو ويندو، آءِ ايم ايف پروگرام ۾ رهندي ماڻهن کي رليف ڏئي سگهجي ٿو، ميڊيا بجلي جي بلن ۾ اضافي جا سبب به ماڻهن کي ٻڌائي.
مرتضيٰ سولنگي چيو ته عوام جي تڪليف ۽ ڪاوڙ جائز آهي پر احتجاج ڪرڻ سان بجلي جا بل گهٽ نٿا ٿي سگهن، پر امن ۽ پرتشدد احتجاج ۾ فرق سمجهڻو پوندو، عوام ڊسڪوز ملازمن تي تشدد بدران مسئلي جي حل طرف اچن. نگران وفاقي وزي چيو ته اليڪشن ڪميشن طرفان طئه ٿيندڙ تاريخ تي پرامن۽ اڻڌريون چونڊون يقيني بڻائڻ ۾ اليڪشن ڪميشن جي مدد ڪندا.
