غزه ۾ اسرائيل جي رمضان المبارڪ ۾ به دهشتگردي جاري، تازن حملن ۾ وڌيڪ 36 فلسطيني شهيد

غزه ۾ اسرائيل جي رمضان المبارڪ ۾ به دهشتگردي جاري آهي، تازن حملن ۾ وڌيڪ 36 فلسطيني شهيد ٿي ويا. فلسطيني ميڊيا جو چوڻ آهي ته 7آڪٽوبر کان هن وقت تائين شهيدن جو انگ 31 هزار 138 ٿي ويو آهي جڏهن ته 72 هزار 889 ماڻهو زخمي ٿي چڪا آهن. عرب ميڊيا موجب، ڪويت جنڪشن ۾ امداد جي منتظر فلسطينين تي حملي ۾ 11 ڄڻا شهيد ٿي ويا آهن جڏهن ته الزيتون محلي ۾ 3 گهرن تي بمباري سبب 10 ڄڻا حياتي وڃائي ويٺا آهن. ٻئي پاسي امريڪي پرڏيهي وزير انٽوني بلنڪن غزه ۾ 6 هفتن جي جنگ بندي جي نئين معاهدي جو مطالبو ڪيو آهي. امريڪي پرڏيهي وزير انٽوني بلنڪن جو چوڻ آهي ته غزه ۾ انساني صورتحال دردناڪ آهي، هو اضافي امدادي موڪلي رهيا آهن. انٽوني بلنڪن جو چوڻ هو ته يرغمالين جي آزادي لاءِ معاهدي ۾ غزه اندر  هفتن جي جنگ بندي لاءِ ڪم ڪندا…….