ملتان ٽيسٽ جي ٻئي انگز ۾ ويسٽ انڊيز جي ٽيم به 244 رنسون ٺاهي آل آئوٽ

ملتان ٽيسٽ فيصلائتي مرحلي ۾ داخل ٿي وئي،  254 رنسن جو ٽارگيٽ حاصل ڪرڻ جي ڪوششن ۾ پاڪستاني ٽيم به ڏکيائين جو شڪار ٿي وئي آهي. قومي ڪرڪيٽ ٽيم ويسٽ انڊيز خلاف ٽيسٽ ميچ ۾ ٻئي ڏينهن جي پڄاڻي تي چئن وڪيٽن جي نقصان تي 76 رنسنون ٺاهي ورتيون. پاڪستاني ٽيم کي ميچ کٽڻ لاءِ اڃا به 178 رنسون گهربل آهن. ٻي انگز ۾ پاڪستاني بيٽرز  جي شروعات مايوس ڪندڙ رهي، شان مسعود ۽ محمد هريرا 2-2 رنسون ٺاهي آئوٽ ٿيا. قومي ٽيم پاران بابراعظم 31 ۽ ڪامران غلام 19 رنسون ٺاهي پويلين روانا ٿيا. ملتان ٽيسٽ جي ٻئي انگز ۾ ويسٽ انڊيز جي ٽيم به 244 رنسون ٺاهي آل آئوٽ ٿي وئي هئي. پاڪستان طرفان نعام علي ۽ ساجد خان 4-4، ڪاشف علي ۽ ابرار احمد هڪ هڪ وڪيٽ حاصل ڪئي.