ناراضگي جي نالي تي دهشتگردي ڪنهن به صورت ۾ قبول نه ڪئي ويندي: اسحاق ڊار

نائب وزيراعظم اسحاق ڊار چيو آهي ته دشمن ملڪ کي ڪمزور ڪرڻ جي ڪوشش ڪري رهيا آهن، ناراضگي جي نالي تي دهشتگردي ڪنهن به صورت ۾ قبول نه ڪئي ويندي، ايڪهين صديءَ جي چئلينجن جو مقابلو ڪرڻو آهي. اسلام آباد ۾ يوٿ ڪنوينشن جي تقريب کي خطاب ڪندي نائب وزيراعظم اسحاق ڊار چيو ته دشمن ملڪ کي ڪمزور ڪرڻ جي ڪوشش ڪري رهيا آهن، ناراضگي جي نالي تي دهشتگردي ڪنهن به صورت ۾ قبول نه ڪئي ويندي. هن چيو ته نوجوان  ملڪ جو مستقبل آهن، هو عملي زندگيءَ ۾ قدم رکن ۽ انتهاپسندي ۽ نفرت کي رد ڪري ملڪ جون پاڙون مضبوط ڪن. وفاقي وزير چيو ته ڪنهن به خوشحال قوم جو بنياد تعليمي نظام تي هوندو آهي، تعليم جو مطلب رڳو ڊگري حاصل ڪرڻ ناهي، تعليم مهارتن کي وڌائڻ جو نالو آهي. سندس چوڻ هو ته نوجوان موجود تعليمي موقعن مان ڀرپور فائدو حصل ڪن، تعليم اسان جي پهرين ترجيح ۾ شامل آهي، تعليم دنيا جو مضبوط هٿيار آهي. نائب وزيراعظم اسحاق ڊار چيو آهي ته دشمن ملڪ کي ڪمزور ڪرڻ جي ڪوشش ڪري رهيا آهن، ناراضگي جي نالي تي دهشتگردي ڪنهن به صورت ۾ قبول نه ڪئي ويندي، ايڪهين صديءَ جي چئلينجن جو مقابلو ڪرڻو آهي.