ٺاروشاھ جي ميڊيڪل سينٽر تي مبينا غلط علاج سبب معصوم ٻارڙي جي فوت ٿيڻ بابت ايڊيشنل سيڪريٽري ھيلٿ جي هدايت تي صحت کاتي جي عملدارن الزام هيٺ آيل ڊاڪٽر ۽ متاثر ڌر جا بيان قلمبند ڪري ڇڏيا.
ڊي ايڇ او نوشھروفيروز اسد الله ڪلهوڙي، ڊاڪٽر مختيار ميمڻ، ڊاڪٽر عبدالستار گهانگهري مبينا طور غلط علاج ڪندڙ ڊاڪٽر الطاف رند، معصوم نينگر جي پيءُ رضوان ابڙي ۽ پريس ڪلب ٺاروشاھ جي صدر غلام شبير اڄڻ جا بيان قلمبند ڪيا.
ان موقعي تي ڊي ايڇ او نوشھروفيروز اسدالله ڪلهوڙو چيو ته هيلٿ کاتي پاران نوٽيس وٺڻ بعد معاملي جي انڪوائري ڪري رهيا آھن، انڪواري دوران ميڊيڪل سينٽر جو دورو ڪيو ته خبر پئي ته غير قانوني طور چلڊرين ميڊيڪل سينٽر قائم ٿيل آھي جنهن ۾ ميڊيڪل جون ڪي به گهرجون پوريون ناهن.
انڪواري آفيسرن چيو ته سيڪريٽري هيلٿ ۽ کاتي جي لاڳاپيل عملدارن کي رپورٽ پيش ڪئي ويندي.
ٻئي پاسي فوت ٿيل معصوم نينگر جي پيءُ رضوان ابڙي چيو غلط علاج ڪندڙ ڊاڪٽر خلاف فوري طور ڪاروائي ڪئي وڃي
