- Advertisement -
ٽنڊي جان محمد ڀرسان سم نالي علائقي ۾ وڏي تباهي مچائي ڇڏي آهي، ڪيترائي گهر ڊهي پٽ پئجي ويا آهن جڏهن ته فصل پڻ پاڻي هيٺ اچي ويو آهي.
چار ڏينهن اڳ سم نالي کي لڳل گهارو بند نه ٿيڻ ڪري نالو ابتو وهڻ سبب پراڻ ڍوري سميت ڀرپاسي جي علائقن جو پاڻي اوور ٽاپ ٿي ويو، جنهن سبب 50 کان وڌيڪ گهر ڊهي پٽ پئجي ويا.
سم نالو اٿلڻ سبب ٽي سئو ايڪڙن تي بيٺل زرعي فصل مڪمل طور ٻڏي ويو ۽ 900 ايڪڙ زمين گهاري جي پاڻي هيٺ اچي وئي آهي.
ڳوٺ سليم ڪلوئي، ڳوٺ عدنان علي، راشد علي، عرفان علي، ڳوٺ جعفر کوسو، ظهير گڊو ۾ 50 کان وڌيڪ گهر ڊهي پٽ پئجي ويا آهن.
سمن نالي جو پاني وڌيڪ ڳوٺن ۽ شھر ڏانهن وڌڻ سبب متاثر علائقي مان لڏپلاڻ شروع ٿي وئي آهي.- Advertisement -
