پ پ اڳواڻ فريال ٽالپر  پوليس جي شهيدن جي ڏهاڙي تي  شهيد آفيسرن ۽ جوانن کي ڀيٽا پيش

پ پ اڳواڻ فريال ٽالپر  پوليس جي شهيدن جي ڏهاڙي تي  شهيد آفيسرن ۽ جوانن کي ڀيٽا پيش ڪئي. پوليس جي شهيدن جي ڏهاڙي تي جاري ڪيل پيغام ۾ فريال ٽالپر جو چوڻ آهي ته امن هجي يا دهشتگردي خلاف جنگ، بهادر پوليس اهلڪارن جون قربانيون وساري نٿيون سگهجن. هن چيو ته هو شهيدن جي ڪٽنبن کي سلام پيش ڪري ٿي، جن جي پيارن قوم خاطر شهادت جو جام پيتو. پ پ اڳواڻ جو چوڻ هو ته اڄ جو  ڏينهن ياد ڏياريندو آهي ته پوليس جي جوانن پنهنجون جانيون قربان ڪري عوام جي مستقبل کي محفوظ ڪيو. هن چيو ته پوليس جا شهيد سندن هيرو آهن، زنده قومون پنهنجي شهيدن کي ناهن وسارينديون. پ پ اڳواڻ فريال ٽالپر جو چوڻ آهي ته پوليس جي عملدارن ۽ اهلڪارن کي سلام پيش ڪيون ٿا، جيڪي هر وقت ملڪ ۽ قوم جي حفاظت لاءِ تيار آهن