- Advertisement -
صدر آصف علي زرداري چيو آهي ته پاڪ فوج ڀارتي اڳرائي جو تاريخي جواب ڏئي دنيا کي حيران ڪري ڇڏيو، پهلگام واقعي کانپوءِ ڀارت پنهنجي عوام کي گمراهه ڪندي اڳرائي جو رستو اختيار ڪيو.
حق جي جنگ کي ڪاميابي کي هڪ سال مڪمل تي پاڪستان مونومنٽ اسلام آباد ۾ تقريب کي خطاب ڪندي صدر آصف علي زرداري چيو ته ڀارت پاڪستان جي سول آبادي کي نشانو بڻايو، پاڪ فوج دشمن جا 8 جهاز تباهه ڪيا، هوائي فوج دشمن جي هوائي سرسي جي دعوائن کي وائکو ڪيو.
صدر وڌيڪ چيو ته، ڏهه مئي ملڪي تاريخ جو روشن باب آهي، پاڪ فضائيه جي شاهينن دشمن تي پنهنجي دهشت طاري ڪئي.
صدر آصف علي زرداري جو چوڻ هو ته حق جي جنگ دوران فيلڊ مارشل عاصم منير جي قيادت ۾ هٿياربند فوج پنهنجي مهارت ثابت ڪئي.
آصف علي زرداري جو وڌيڪ چوڻ هو ته ڪشمير مسئلو گڏيل قومن ٺهرائن تحت حل ٿيڻ گهرجي.
صدر چيو ته پاڪ فوج ڀارتي اڳرائي جو تاريخي جواب ڏئي دنيا کي حيران ڪري ڇڏيو، پهلگام واقعي کانپوءِ ڀارت پنهنجي عوام کي گمراهه ڪندي اڳرائي جو رستو اختيار ڪيو- Advertisement -
