پاڪستان جو اڳوڻو ڪرڪيٽر نوشاد علي فوت

پاڪستان جو اڳوڻو ٽيسٽ ڪرڪيٽر ۽ انٽرنيشنل ڪرڪيٽ ڪائونسل جو اڳوڻو ميچ ريفري نوشاد علي اسلام آباد ۾ لاڏاڻو ڪري ويو آهي.

نوشاد علي جي لاڏاڻي جي سندس گهرڀاتين تصديق ڪئي آهي.

گهرڀاتين جو چوڻ آهي ته نوشاد علي جي جنازي نماز شام ايڇ اليون قبرستان ۾ ادا ڪئي ويندي.

نوشاد علي پاڪستان ڪرڪيٽ بورڊ جو سليڪٽر، ٽيم مينيجر ۽ ٻين ڪيترن ئي عهدن تي خدمتون سرانجام ڏنيون.

نوشاد علي ڇهن ٽيسٽ ميچن ۾ پاڪستان جي نمائندگي ڪئي ۽ هو آءِ سي سي ريفري به رهيو