پاڪستان وچ اوڀر ۾ خودمختاري جي احترام ۽ امن مشنز کي مضبوط بڻائڻ تي زور ڀريو

پاڪستان وچ اوڀر ۾ خودمختاري جي احترام ۽ امن مشنز کي مضبوط بڻائڻ تي زور ڀريو آهي. گڏيل قومن جي سلامتي ڪائونسل ۾ پاڪستان جي مستقل نمائيندي منير اڪرم خطاب ڪندي چيو ته شام جي ڌرتي تي اسرائيلي جارحيت ۽ يهودي فورسز جي غيرقانوني مداخلت مذمت جوڳي آهي. سندس چوڻ هو ته ڏکڻ لبنان ۾ اسرائيلي فورسز جي چرپر تي به ڳڻتي آهي، اسرائيلي قدم خطي جي استحڪام لاءِ خطرو آهن. گڏيل قومن ۾ پاڪستان جي مستقل نمائندي منير اڪرم چيو ته امن مشنر تي حملو ڪندڙن کي انصاف جي ڪٽهڙي ۾ آندو وڃي.