پيپلزپارٽيءَ پنهنجي هر دور ۾ پورهيتن جي حقن ۽ سندس ترقي توڙي خوشحالي کي پهرين ترجيح ڏني آهي: مرتضيٰ وهاب

ڪراچيءَ جي ميئر مرتضيٰ وهاب چيو آهي ته پيپلزپارٽيءَ پنهنجي هر دور ۾ پورهيتن جي حقن ۽ سندس ترقي توڙي خوشحالي کي پهرين ترجيح ڏني آهي. پورهيتن جي عالمي ڏهاڙي تي جاري ڪيل بيان ۾ مرتضيٰ وهاب چيو ته پورهيتن جي حقن لاءِ پيپلزپارٽيءَ سدائين ڪردار ادا ڪيو، سندن تعليم، صحت ۽ بنيادي حقن بابت قانونسازي پ پ ڪئي آهي. هن چيو ته پهرين مئي تي هو شڪاگو جي شهيد پورهيتن کي ڀيٽا پيش ڪري ٿو، هي ڏينهن پورهيتن لاءِ جدوجهد جي ياد تازي ڪري ٿو. مرتضيٰ وهاب چيو ته پورهيتن جي حقن ۽ سندن ڀلائي توڙي ترقي لاءِ جدوجهد جاري رهندي.