ڄامشورو پوليس ڪئنالن خلاف احتجاج ڪندڙ سنڌ يونيورسٽي جي شاگردن تي ڪيس داخل ڪري ڇڏيو

ڄامشورو پوليس ڪئنالن خلاف احتجاج ڪندڙ سنڌ يونيورسٽي جي شاگردن تي ڪيس داخل ڪري ڇڏيو. ڪئنالن خلاف احتجاج ڪندڙ هڪ سئو شاگردن تي دهشتگردي، حراس پکيڙڻ، ڊيوٽي اٽڪاءَ، پوليس تي پٿراءُ سميت ٻيا قلم شامل ڪري ڪيس داخل ڪيو ويو. جسقم آريسر اڳواڻ عبدالفتاح چني سميت 37 ڄاتل ۽ 63 اڻڄاتل شاگردن مٿان ڪيس داخل ڪيو ويو، جن ۾ مور شاهه، شيراز جمالي، ساحل جمالي، درياهه خان ڪورائي، ثقلين سنڌي، زاهد ڪيريو، شهباز سوهو، عديل لغاري، ياسين جتوئي، نظير کوسو، ساحل آزاد، فيصل وڳڻ ۽ بشير بروهي سميت ٻيا شامل آهن. پوليس موقف اختيار ڪيو ته شاگردن کي پرامن طريقي سان سنڌ يونيورسٽي اندر احتجاج ڪرڻ لاءِ چيو ويو پر هنن انڊس هاءِ وي بلاڪ ڪري پوليس تي پٿراءُ ڪيو، اهلڪارن کي زخمي ڪيو.