چين ايران سان واپار ڪرڻ تي آمريڪي ٽيرف جي فيصلي کي رد ڪري ڇڏيو

آمريڪا طرفان ايران سان واپار ڪندڙ ملڪن تي نيون پابندي لڳائڻ تي چين ردعمل ڏيندي چيو آهي ته چين ڪنهن به غيرقانوني، هڪ طرفين پابندين ۽ اختيارن جي ناجائز استعمال جي سخت مخالفت ڪري ٿو. آمريڪا طرفان ايران سان واپار ڪندڙ ملڪن تي نيون پابندي لاڳو ڪرڻ تي چين جو ردعمل سامهون آيو آهي. واشنگٽن ۾ چيني سفارتخاني جي ترجمان پنهنجي بيان ۾ چيو آهي ته ٽيرف جي بي ترتيبوار لاڳو ٿيڻ خلاف چين جو موقف هميشه جيان واضح ۽ مستقل رهيو آهي. چيني سفارتخاني جي ترجمان جو چوڻ آهي ته ٽيرف يا واپاري جنگين ۾ ڪوبه فاتح ناهي ٿيندو. سندس چوڻ هو ته دٻاءُ يا زوريءَ مسئلا حل نٿا ڪري سگهجن، چين پنهنجي جائز مفادن جي تحفظ لاءِ سمورا ضروري قدم کڻندو. ترجمان جو چوڻ هو ته چين ڪنهن به عيرقانوني، هڪ طرفين پابندين ۽ اختيارن جي ناجائز استعمال جي سخت مخالفت ڪري ٿو.