چين بلوچستان ۾ تازي دهشتگردي جي مذمت ڪندي پاڪستان سان سڪيورٽي سهڪار وڌائڻ جو اعلان

چين بلوچستان ۾ تازي دهشتگردي جي مذمت ڪندي پاڪستان سان سڪيورٽي سهڪار وڌائڻ جو اعلان ڪيو آهي. چيني پرڏيهي وزارت جي ترجمان پريس بريفنگ ۾ چيو ته هو بلوچستان ۾ دهشتگرد حملن جي مذمت ۽ قميتي انساني جانين جي زيان تي ڏک جو اظهار ڪن ٿا. هن چيو ته چين دهشتگردي جي خاتمي واري ڪاررواين ۾ پاڪستان جي ڀرپور حمايت جاري رکندو. چيني پرڏيهي وزارت جي ترجمان چيو ته چين هر قسم جي دهشتگردي خلاف مضبوط بيٺل آهي، هو دهشتگردي جي خاتمي واري ڪاررواين کي اڳتي وڌائڻ ۽ ماڻهن جي تحفظ لاءِ پاڪستان جي ڀرپور حمايت جاري رکندا. هن چيو ته چين پاڪستان سان سڪيورٽي سهڪار وڌائڻ ۽ خطي ۾ امن توڙي سلامتي جي گڏيل تحفظ لاءِ به  تيار آهي.