ڊکڻ: ڪچي واري علائقي ۾ مختلف ٿاڻن جي پوليس جو ڏوهارين خلاف آپريشن

ڊکڻ ويجهو غلام شاهه جي ڪچي واري علائقي ۾ پوليس ڏوهارين خلاف سرچ آپريشن ڪيو. ڊي ايس پي نبي شاهه وڳڻ سيد وريل شاهه جي اڳواڻي ۾ ڊکڻ، بڊو، ڳڙهي ياسين، همايون، جهان واهه، نبي شاهه، گولو دڙو سميت 9 ٿاڻن جي پوليس ڳوٺ ميانداد ۽ الله ڏنو جکراڻي کي ڪڙو چاڙهي سرچ آپريشن ڪيو. پوليس آپريشن جو اڳواٽ اطلاع ملندي ئي جوابدار ڳوٺ ڇڏي فرار ٿي ويا هئا، جڏهن ته ڪا به گرفتاري عمل ۾ نه اچي سگهي. پوليس جو چوڻ هو ته ڏوهارين جي گرفتاري تائين سندن آپريشن جاري رهندو.