ڪنڊياري ڀرسان نوجوان پر اسرار نموني گم،وارثن پاران اغوا جو شڪ ظاهر

ڪنڊياري ڀرسان نوجوان پر اسرار نموني گم ٿي ويو، وارثن اغوا جو شڪ ظاهر ڪندي بازيابي لاءِ احتجاجي مظاهرو ڪيو. ڳوٺ شير محمد جوڳي جو رهواسي نوجوان بابو جوڳي گهران نڪرڻ بعد پراسرار نموني گم ٿي ويو . وارثن احتجاج ڪندي چيو ته نوجوان بابو جوڳي هفتو اڳ گهران مزدوري ڪرڻ لاءِ نڪتو هو ته هن وقت تائين واپس نه موٽيو آهي. هنن چيو ته غربت سبب هو ڀنگ جي رقم به ادا نه ڪري سگهندا، پوليس جون اعليٰ اختياريون نوجوان کي بازياب ڪرائي انصاف فراهم ڪن.