آسٽريليا جي انٽيليجنس چيف مائيڪ برگس ڪينيڊا ۾ خالصتان تحريڪ جي اڳواڻ هرديپ سنگهه نجر جي قتل ۾ ڀارتي ڳجهي اداري ”را“ جي ملوث هجڻ جي تصديق ڪري ڇڏي.
مائيڪ برگس هڪ انٽرويو ۾ چيو ته ڪئناڊا پاران ڀارت تي لڳايل الزام سچا آهن، تصديق کانپوءِ ئي ڪينيڊين حڪومت ڀارت کي قتل جو ذميوار قرار ڏنو.
آسٽريلين انٽيليجنس چيف موجب، ڪينيڊين شهري جو قتل ڀارت ۽ ڪينيڊا تڪرار جو سبب ناهي، ڪنهن به ملڪ جي شهري جو ٻئي ملڪ هٿان سنگين قدم آهي.
هن چيو ته آسٽريليا ۾ موجود سـِک شهرين کي مڪمل تحفظ فراهم ڪيو ويندو.
ياد رهي ته ان کان اڳ آمريڪي انٽيليجنس طرفان مليل ڄاڻ موجب سـِک اڳواڻ جي قتل ۾ مودي حڪومت سڌي ريت ملوث هئي.
واضح رهي ته خالصتان نواز سـِک اڳواڻ هرديپ سنگهه نجر کي 18 جون تي ڪئناڊا جي شهر سري ۾ گوليون هڻي قتل ڪيو ويو هو.
