اتر وزيرستان ۾ دهشتگردن سان ويڙهه ۾ پاڪ فوج جا 6 جوان شهيد ٿي ويا جڏهن ته جوابي ڪارروائي ۾ 3 دهشتگرد به مارجي ويا آهن.
آءِ ايس پي آر موجب، اتر وزيرستان جي علائقي ديردوني ۾ سڪيورٽي فورسز ۽ دهشتگردن ۾ فائرنگ جي ڏي وٺ ٿي.
آءِ ايس پي آر جو چوڻ آهي ته دهشتگردن سان ويڙهه ۾ پاڪ فوج جا 6 جوان شهيد ٿي ويا جڏهن ته جوابي ڪارروائي ۾ 3 دهشتگرد مارجي ويا آهن.
آءِ ايس پي آر موجب، سڪيورٽي فورسز دهشتگردن کي منهن ٽوڙ جواب ڏنو ۽ فائرنگ جي ڏي وٺ ۾ ٻه دهشتگرد زخمي به ٿي پيا.
آءِ ايس پي آر جو چوڻ آهي ته شهيدن ۾ حوالدار سليم خان، نائيڪ جاويد اقبال، سپاهي نذير خان، حضرت بلال، سيد رجب حسين ۽ بسم الله خان شامل آهن.
آءِ ايس پي آر موجب، دهشتگردن جي خاتمي لاءِ علائقي ۾ ڪليئرنس آپريشن جاري آهي.
