- Advertisement -
اتر ۽ ڏکڻ وزيرستان ۾ دهشتگردن خلاف ڪاررواين دوران 6 جوان شهيد ۽ 12 دهشتگرد مارجي ويا.
آءِ ايس پي آر جو چوڻ آهي ته اتر ۽ ڏکڻ وزيرستان ۾ سڪيورٽي فورسز ۽ دهشتگردن چڪريون ٿيون، جنهن دوران 12 دهشتگرد مارجي ويا.
آءِ ايس پي آر موجب، پاڪ افغان بارڊر اسپن وام ۾ دهشتگردن جي چرپر ڏٺي وئي، سڪيورٽي فورسز حملي جي ڪوشش ناڪام بڻائيندي ستن دهشتگردن کي جهنم ڀيڙو ڪري ڇڏيو.
آءِ ايس پي آر جو چوڻ آهي ته آپريشن دوران هٿيار، ڌماڪيدار مادو ۽ گوليون هٿ ڪيون ويون.
آءِ ايس پي آر موجب، ڏکڻ وزيرستان جي علائقي لڌا ۾ دهشتگردن سڪيورٽي فورسز جي چوڪي تي حملو ڪيو، فورسز جي ڪارروائي ۾ 5 دهشتگرد مارجي ويا.
آءِ ايس پي آر جو چوڻ آهي ته فائرنگ جي ڏي وٺ ۾ 6 جوان به شهيد ٿي ويا، علائقي ۾ امڪاني طور دهشتگردن جي خاتمي لاءِ ڪليئرنس آپريشن ڪيو ويو.
آءِ ايس پي آر موجب، سڪيورٽي فورسز هر قيمت تي دهشتگردي جي خاتمي لاءِ پرعزم آهن، بهادر جوانن جون قربانيون سندن عزم کي وڌيڪ مضبوط ڪن ٿيون.- Advertisement -
