اسحاق ڊار جي ڊپٽي وزيراعظم طور مقرري صلاح مشوري سان ٿي آهي؛ نذير تارڙ

قانون واري وفاقي وزير، اعظم نذير تارڙ چيو آهي ته اسحاق ڊار جي ڊپٽي وزيراعظم طور مقرري صلاح مشوري سان ٿي آهي، پارٽيءَ ۾ ڪي به اختلاف نه آهن، ڏهن کان وڌيڪ ملڪن ۾ پرڏيهي وزيرن وٽ ڊپٽي وزيراعظم جو عهدو موجود آهي، نائب وزيراعظم وٽ اختيار ۽ طاقت وزيراعظم وارا ناهن هوندا، اسحاق ڊار نائب وزيراعظم طور ڪا پگهار يا الائونس نه وٺندو. اسحاق ڊار کي نائب وزيراعظم بڻائڻ بابت ڳالهائيندي اعظم نذير تارڙ چيو ته پارٽيءَ ۾ ڪي به اختلاف نه آهن، اسحاق ڊار جي ڊپٽي وزيراعظم طور مقرري صلاح مشوري سان ٿي آهي. سندس چوڻ هو ته مختلف وقتن ۾ ملڪ ۾ نائب وزيراعظم مقرر ڪيا ويا، اڄ به دنيا جي ڏهن کان وڌيڪ ملڪن ۾ پرڏيهي وزيرن وٽ ڊپٽي وزيراعظم جو عهدو موجود آهي. قانون واري وفاقي وزير، اعظم نذير تارڙ چيو ته نائب وزيراعظم وٽ اختيار ۽ طاقت وزيراعظم وارا ناهن هوندا، اسحاق ڊار نائب وزيراعظم طور ڪا پگهار يا الائونس نه وٺندو، پرڏيهي وزير پرڏيهي ملڪن ۾ ملڪ جي نمائندگي ڪندا آهن اهو رواج رهيو آهي..