پوليو جهڙي موذي مرض جي خاتمي لاءِ سڀني کي پنهنجو ڪردار ادا ڪرڻو پوپندو: مراد علي شاهه

وڏي وزير سيد مراد علي شاهه چيو آهي ته پوليو جهڙي موذي مرض جي خاتمي لاءِ سڀني کي پنهنجو ڪردار ادا ڪرڻو پوپندو، کين پنهن ٻارن کي پوليو کان بچائڻو آهي. سيد مراد علي شاهه پوليو جي خاتمي واري مهم جي شروعات ڪئي. ان موقعي تي ميڊيا سان ڳالهائيندي وڏي وزير چيو ته پاڪستان ۾ پوليو جي خاتمي واري مهم 1994ع ۾ شهيد راڻي بينظير ڀٽو ڪئي هئي. هن چيو ته شهيد راڻيءَ جو ويزن هو ته ملڪ کي پوليو کان پاڪ ڪيو وڃي. وڏي وزير چيو ته اهڙو به وقت آيو جو سنڌ ۾ جولاءِ 2020ع کان آڪٽوبر 2023ع تائين پوليو جو ڪو به ڪيس نه ٿيو، پر بدقسمتيءَ سان آڪٽوبر 2023ع ۾ گڏاپ جي وي سي گجرو ۾ پوليو جا 2 ڪيس سامهون آيا. هن چيو ته پوليو جهڙي موذي مرض جي خاتمي لاءِ سڀني کي پنهنجو ڪردار ادا ڪرڻو پوپندو، کين پنهن ٻارن کي پوليو کان بچائڻو آهي. وڏي وزير چيو ته هو پوليو جي خاتمي واري مهم ۾ ڪم ڪندڙ سمورن ورڪرن جا ٿورا مڃي ٿو……..