اسرائيل ۽ حزب الله وچ ۾ لبنان ۾ جنگ بندي جو معاهدو طئي ٿي ويو، اسرائيلي ميڊيا جو چوڻ آهي ته جنگي ڪابينا لبنان جنگ بندي معاهدي جي منطوري ڏئي ڇڏي آهي.
اسرائيل ۽ لبنان ۾ جنگ بندي جي شروعات پاڪستاني وقت موجب صبح ستين وڳي شروع ٿي.
اسرائيلي سڪيورٽي ڪابينا اجلاس کانپوءِ اسرائيلي وزيراعظم نيتن ياهو خطاب ڪندي چيو ته اسرائيل حزب الله کي ورهين کان پوئتي ڌڪي رهيو آهي، معاهيد جي ڀڃڪڙي تي حزب الله کي ٻيهر نشانو بڻايو ويندو.
نيتن ياهو جو چوڻ آهي ته جنگ بندي معاهدي جو مطلب هاڻي سندن سموروڌيان ايراني خطري طرف هوندو، اٿر اسرائيل ۾ ماڻهن کي پنهنجي گهرن ۾ واپس آڻيندا.
اسرائيلي وزيراعظم جو وڌيڪ چوڻ هو ته شام جو صدر بشار الاسد باهه سان کيڏي رهيو آهي، غزه ۾ رهجي ويل يرغمالين کي واپس آڻڻ لاءِ پرعزم آهن، هـُو وچ اوڀر جو چهرو تبديل ڪري رهيا آهن.
ان کان اڳ امريڪي صدر جوبائيڊن اسرائيل ۽ حزب الله وچ ۾ جنگ بندي جو اعلان ڪيو هو.
امريڪي صدر جوبائيڊن جو چوڻ آهي ته اسرائيل ۽ حزب الله جنگ بندي جي تجويز مڃي ورتي آهي.
سندس وڌيڪ چوڻ هو ته معاهدي کي دشمني جي مستقل خاتمي جي لاءِ ڊيزائن ڪيو ويو آهي.
