تازه ترين

اسلام آباد هاءِ ڪورٽ ۾ توهين عدالت ڪيس جي ٻڌڻي

اسلام آباد هائيڪورٽ تحريڪ انصاف اڳواڻ شهريار آفريدي خلاف ايم پي او آرڊر ۾ اختيار اورانگهڻ تي توهين عدالت ڪيس ۾ اسلام آباد جي ڊپٽي ڪمشنر ۽ ايس ايس پي آپريشنز تي فرد جرم لاڳو ڪري ڇڏيو.

اسلام آباد هاءِ ڪورٽ جي جسٽس بابر ستار، ڊي سي اسلام آباد ۽ ايس پي آپريشنز خلاف ايم پي او آرڊر بابت اختيار اورانگهڻ تي توهين عدالت ڪيس جي ٻڌڻي ڪئي.

ٻڌڻي دوران ڊي سي اسلام آباد عرفان ميمڻ ۽ ايس ايس پي آپريشنز جميل ظفر عدالت ۾ پيش ٿيا.

ايڊووڪيٽ جنرل اسلام آباد به پراسيڪيوٽر طور عدالت ۾ پيش ٿيو.

عدالت ڊپٽي ڪمشنر اسلام آباد ۽ ايس ايس پي آپريشنز تي فرد جرم لاڳو ڪري ڇڏيو.

ڊي سي اسلام آباد ۽ ايس ايس پي آپريشنز فرد جرم لاڳو ٿيڻ تي وضاحتي جواب عدالت ۾ جمع ڪرائيندي موقف اختيار ڪيو ته هن آرڊر جو مقصد عدالتي حڪم جي ڀڃڪڙي ڪرڻ بلڪل نه هو.

جسٽس بابر ستار جواب ڏنو ته اڄ چارج فريم ڪرڻ جو ڏينهن مقرر ڪيو آهي، ڊي سي اسلام آباد عدالت کان غير مشروط معافي گهري جنهن کي عدالت رد ڪري ڇڏيو ۽ چارج شيٽ پڙهڻ شروع ڪري ڇڏي.

عدالت ڊپٽي ڪمشنر اسلام آباد کي هدايت ڪئي ته جيڪو ڪجهه آهي هاڻي ٽرائل ۾ ثابت ڪجو، ڇا توهان الزام ٻڌا آهن؟ کليل عدالت ۾ اوهان جي سامهون الزام پڙهيا ويا.

ڊي سي اسلام آباد ڏوهه مڃڻ کان انڪار ڪري ڇڏيو، جڏهن ته جسٽس بابر ستار ڊي سي اسلام آباد کي چيو ته جيڪڏهن اوهان کي سزا ملي ته وڌ ۾ وڌ 6 مهينا جيل هوندي، 6 مهينا سزا آهي ۽ اوهان به جيل ۾ رهي ڏسو، جن کي اوهان جيل موڪليو ٿا اهي ڪيئن گذارن ٿا.

عدالت ڊپٽي ڪمشنر اسلام آباد عرفان نواز ميمڻ، ايس ايس پي آپريشنز جميل ظفر، ايس پي فاروق بٽ ۽ ايس ايڇ او ناصر منظور تي فرد جرم لاڳو ڪري ڇڏيو جڏهن ته ٽرائل ۾ ايڊووڪيٽ قيصر امام کي پراسيڪيوٽر مقرر ڪيو ويو.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
109,000SubscribersSubscribe
Pakistan
clear sky
23 ° C
23 °
23 °
18 %
1.8kmh
0 %
ڇنڇر
31 °
آچر
32 °
سُومر
33 °
اڱارو
34 °
اربع
33 °

تازه ترين خبرون