اسلام ڪوٽ ۾ منشيات جي ڪاروبار  ۽ امڪاني طور کلندڙ گتي خلاف شهرين ۽ مذهبي تنظيمن پاران احتجاج

اسلام ڪوٽ ۾ منشيات جي ڪاروبار  ۽ امڪاني طور کلندڙ گتي خلاف شهرين ۽ مذهبي تنظيمن پاران احتجاجي  ريلي ڪڍي ڌرڻو هنيو ويو.

مولوي تاج محمد، مفتي عبدالغني ميمڻ، رفيق بجير ۽ ٻين جي اڳواڻيءَ ۾ احتجاجي ريلي ڪڍي ٽائون موڙ وٽ ڌرڻو هڻي نعريبازي ڪئي وئي.

احتجاج ڪندڙن ميڊيا سان ڳالهائيندي چيو ته انتظاميه پرامن شهر کي منشيات وڪرو ڪندڙن جي رحم ۽ ڪرم تي ڇڏي ڏنو آهي.

هنن چيو ته مهانگائي سبب ماڻهو بک مري رهيا آهن جڏهن ته شراب خانا کولي نوجوان نسل کي تباهه ڪيو پيو وڃي.

احتجاج ڪندڙن اعليٰ اختيارين کان مطالبو ڪيو ته منشيات جي ڪاروبار  ۽ امڪاني طور کلندڙ گتي جو نوٽيس وٺي نوجوان نسل کي تباهه ٿيڻ کان بچايو وڃي………