ايراني فوج جي چيف آف اسٽاف ميجر جنرل باقري چيو آهي ته ايران حماس جي سياسي ونگ جي سربراهه اسماعيل هانيه جي قتل جو بدلو وٺڻ جي طريقي جو جائزو وٺي رهيو آهي.
ميجر جنرل باقري چيو ته اسماعيل هانيه جي شهادت جو بدلو ورتو ويندو، ان لاءِ ڪيترائي قدم کڻڻا پوندا، اسرائيل کي پڇتائڻو پوندو.
ان کان اڳ آمريڪي اخبار دعويٰ ڪئي هئي ته حماس جي سياسي ونگ جي سربراهه اسماعيل هانيه جي شهادت کانپوءِ ايران جي سپريم نيشنل سيڪيورٽي ڪائونسل جي هنگامي اجلاس ۾ آيت الله خامنه اي اسرائيل تي سڌي ريت حملي جو حڪم ڏنو هو.
حماس جي سياسي ونگ جو سربراهه اسماعيل هانيه 31 جولاءِ تي ايران جي گادي واري شهر تهران ۾ ٿيل اسرائيلي حملي ۾ شهيد ٿي ويو هو…
