اسٽاڪ مارڪيٽ ۾ ٻارائي برقرار رهي، جنهن ڪري سيڙپڪارن جا وڌيڪ 49 ارب رپيا ٻــُڏي ويا

اسٽاڪ مارڪيٽ ۾ ٻارائي برقرار رهي، جنهن ڪري سيڙپڪارن جا وڌيڪ 49 ارب رپيا ٻــُڏي ويا. پاڪستان اسٽاڪ ايڪسچينج ۾ سومر ڏينهن به لاهن چاڙهن باوجود ٻارائي رهي،  جنهن سبب 56 سيڪڙو شيئرز ڪري پيا ۽ سيڙپڪارن کي 49 ارب 63 ڪروڙ 12 لک 37 هزار 734 رپين جو نقصان ٿيو. ڪاروبار جي شروعات 161 پوائنٽن جي تيزيءَ سان ٿيو پر بعد ۾ منافعي ۽ شيئرز جي آف لوڊنگ سان مارڪيٽ ۾ ٻارائي ٿي وئي، جنهن سبب هڪ موعقعي تي 773 پوائنٽن جي گهٽتائي سان 73 هزار پوائنٽن جي نفسياتي سطح به ڪري پئي. ڪاروبار جي پڄاڻيءَ تي ڪي ايس ايِ هنڊريڊ انڊيڪس 501 ڏهائي 46 پوائنٽن جي گهٽتائي سان 73 هزار 252 پوائنٽن جي سطح تي بند ٿيو. ڪاروباري سرگرمين جو دائرو 434 ڪمپنين جي شيئرز تائين محدود رهيو، جن ۾ 133 جي وهڪرن ۾ اضافو، 241 جي اگهن ۾ گهٽتائي ۽ 60 جي قميتن ۾ استحڪام رهيو….