وڏي وزير سيد مراد علي شاهه چيو آهي ته اسٽيل ملز جي بحالي لاءِ ڪوششون ڪري رهيا آهن، انڊس موٽرز جي دوري جو مقصد صنعتي ترقي لاءِ قدم کڻڻ آهي.
وڏي وزير سيد مردا علي شاهه انڊس موٽرز جو دورو ڪيو، جتي سي اِي او علي اصغر جمالي سندس آجيان ڪئي.
وڏي وزير کي انڊس موٽرز جي سي اِي او بريفنگ ڏيندي ٻڌايو ته انڊس موٽرز جي 2 ڏهائي 5 بلين ڊالرز جي سيڙپڪاري آهي، انڊس موٽرز جي 76 هزار يونٽس جي پروڊڪشن آهي.
هن ٻڌايو ته 4 هزار افرادي قوت سان گڏ انڊس موٽر ڪم ڪري رهي آهي، هڪ ڪار جو 64 سيڪڙو سامان مقامي سطح تي ٺهي ٿو ۽ 36 سيڪڙو ٻاهران گهرايو وڃي.
ان تي وڏي وزير مراد علي شاهه چيو ته پاڪستان اسٽيل ملز جي بحالي لاءِ ڪوششون ڪري رهيا آهن، کيس ٻڌايو ته اسٽيل مل گاڏين جي مينوفيڪچرنگ ۾ ڪهڙيون شيٽون مهيا ڪري سگهي ٿو.
ان تي انڊس موٽرز جي سي اي او وڏي وزير کي ٻڌايو ته ان بابت ڪم ڪري آگاهه ڪيو ويندو.
وڏي وزير مراد علي شاهه چيو ته انڊس موٽرز جو دوري جو مقصد صنعتي ترقي لاءِ قدم کڻڻ آهي، سنڌ حڪومت صنعتي ترقي لاءِ صنعتن جي ڀرپور مدد ڪندي، هو چاهي ٿو وڌ کان وڌ شيون هتان کان ٻاهر وڃن.
وڏي وزير سيد مراد علي شاهه انڊس موٽرز جي پلانٽ جو به معائنو ڪيو.
دوري دوران وڏي وزير انڊس موٽرز جي اڱڻ ۾ ٻوٽو به لڳايو.
