اليڪشن ڪميشن پي ٽي آءِ چيئرمين کي پارٽي عهدي تان هٽائڻ لاءِ داخل درخواست ٻڌڻيءَ لاءِ مقرر ڪري ڇڏي آهي.
اليڪشن ڪميشن ايندڙ هفتي جي ڪاز لسٽ جاري ڪري ڇڏي آهي، جنهن موجب پي ٽي آءِ چيئرمين کي عهدي تان هٽائڻ جي درخواست ٻڌڻي لاءِ منظور ڪئي وئي آهي.
اليڪشن ڪميشن پي ٽي آءِ چيئرمين کي نوٽيس جاري ڪري ڇڏيو، 26 آڪٽوبر تي درخواست تي باضابطا طور ٻڌڻي ٿيندي.
پي ٽي آءِ چيئرمين خلاف درخواست تي ٻڌڻي چيف اليڪشن ڪمشنر جي سربراهيءَ ۾ 5 رڪني ڪميشن ڪندي.
اليڪشن ڪميشن درخواست ڏيندڙ خالد محمود کي به نوٽيس جاري ڪيا آهن.
پي ٽي آءِ چيئرمين، اسد عمر ۽ فواد چوڌري خلاف توهين اليڪشن ڪميشن ڪيسن جي ٻڌڻي به 24 آڪٽوبر تي مقرر ڪئي وئي آهي.
اليڪشن ڪميشن پي ٽي آءِ اڳواڻن کي ذاتي حيثيت ۾ پيش ٿيڻ جي به هدايت ڪئي آهي
