سنڌ اسيمبلي جي اسپيڪر اويس قادر شاهه پاران پنهنجي ذاتي فنڊ مان پاڪستان سويٽ هوم سکر جي ٻارن لاءِ 10 لک رپيا گرانٽ جو اعلان ڪيو ويو.
دوري دوران اويس قادر شاهه سويٽ هوم جي ٻارن سان وقت گذاريو ۽ سندن تعليم ۽ ٻين سهولتن بابت معلومات ورتي.
اسپيڪر سنڌ اسيمبلي سويٽ هوم جي لائبريري، رهائش ۽ ٻارن کي فراهم ڪيل ٻين سهولتن جو پڻ جائزو ورتو.
سنڌ اسيمبلي جي اسپيڪر اويس قادر شاهه جو چوڻ هو ته پاڪستان سويٽ هوم ۾ 101 ٻار رهن ٿا.
هن چيو ته هو سنڌ اسيمبلي جي اسپيڪر جي حيثيت سان پنهنجي ذاتي فنڊ مان پاڪستان سويٽ هوم لاءِ 10 لک رپيا ڏيڻ جو اعلان ڪري ٿو.
سندس چوڻ هو ته هو سويٽ هوم جي ٻارن جا وارث آهن، سيد خورشيد احمد شاهه ۽ هنن سويٽ ھوم ان لاءِ قائم ڪيو ھو جو يتيم ٻارن جو سھارو بڻجي سندن خدمت ڪن.
سنڌ اسيمبلي جي اسپيڪر جو چوڻ هو ته ٻارن جي پرورش ۽ تعليم لاءِ ڪم ڪندڙ اهڙن ادارن جا هٿ مضبوط ڪرڻ گھرجن، ته جيئن هي ٻار به سماج جي ٻين ٻارن وانگر پنهنجي زندگيءَ ۾ اڳتي وڌي سگهن.
اويس قادر شاهه چيو ته پاڪستان سويٽ هوم جا ٻار وڏن تعليمي ادارن ۾ پڙهي رهيا آهن، هو سنڌ اسيمبلي جي اسپيڪر جي حيثيت سان سندن لاءِ جيڪو ڪجهه ٿي سگهيو هو ڪندو.
سنڌ اسيمبلي جي اسپيڪر اويس قادر شاھه پاڪستان سويٽ هوم انتظاميا کي يتيم ٻارن کي سنڌ اسيمبلي جو دورو ڪرائڻ جي دعوت ڏني.
