ايف آءِ اي اميگريشن جي ڪراچي ايئرپورٽ تي وڏي ڪارروائي ، جعلي سفري دستاويزن تي سفر ڪندڙ گرفتار

ايف آءِ اي اميگريشن ڪراچي ايئرپورٽ تي وڏي ڪارروائي ڪندي جعلي سفري ڪاغذن تي سفر ڪندڙ مسافر کي گرفتار ڪري ورتو. ڪراچي ايئرپورٽ تي ايف آءِ اي اميگريشن وڏي ڪارروائي ڪندي جعلي سفري ڪاغذن تي پرڏيهه وڃڻ جي ڪوشش ناڪام بڻائي ڇڏي. ايف آءِ اي ترجمان موجب گرفتار جوابدار جي سڃاڻپ سيد زين الحسن جي نالي سان ٿي. جوابدار نوشهره ورڪان ضلعي گوجرانوالا جو رهواسي آهي. ايف آءِ اي ترجمان جو چوڻ آهي ته جوابدار جعلي ڪاغذن تي ڪرغزستان وڃڻ جي ڪوشش ڪئي، مسافر وٽ موجود ڪاغذن جي جاچ پڙتال ڪاغذ جعلي هئڻ جو انڪشاف ٿيو. ايف آءِ اي ترجمان موجب شروعاتي جاچ موجب جوابدار وٽ بشڪيڪ انٽرنيشنل ميڊيڪل انسٽيٽيوٽ جو جعلي ايڊميشن ليٽر هو. سندن چوڻ هو ته جوابدار جي تعليم ميٽرڪ کان گهٽ آهي ۽ 2018 ۾ اسڪول ڇڏيو ويو. ايف آءِ اي ترجمان موجب جوابدار وٽ موجود اسٽڊي ويزا ۽ ڪم ويزا ٻئي شڪي ڏٺا ويا، جوابدار جعلي ويزا ۽ داخلا ليٽر علي نالي ايجنٽ کان حاصل ڪيو. ايف آءِ اي ترجمان موجب جوابدار کي وڌيڪ ڪارروائي جي لاءِ ايڇ ٽي سي ڪراچي منتقل ڪيو ويو.