ايف آءِ اي پي ٽي آءِ اڳواڻ صنم جاويد کي ٻيهر گرفتار ڪري ورتو آهي.
9 مئي واقعن واري ڪيس ۾ دهشتگردي ٽوڙ عدالت پي ٽي آءِ اڳواڻ صنم جاويد جي آزاديءَ لاءِ روبڪار جاري ڪيا، عدالت روبڪار گجرانوالا جي سپريڊنٽ نالي جاري ڪيا.
آزاد ٿيڻ بعد صنم جاويد کي ايف آءِ اي گرفتار ڪري ورتو، مٿس سائبر ڪرائيم ۾ ڪيس داخل ڪيو ويو آهي.
ايف آءِ اي جي ٽيم صنم جاويد کي اسلام آباد منتقل ڪري ڇڏيو آهي، مٿس 9 مئي تي ٽوئٽ ڪرڻ جو ڪيس داخل ڪيو ويو آهي.
ڪيس ۾ چيو ويوته صنم جاويد ماڻهن کي ڪور ڪمانڊر هائوس وڃڻ جي هدايت ڪئي.
