بجلي چورن خلاف ڪارروائي لاءِ پوليس ۽ رينجرز جون خدمتون حاصل ڪرڻ جو فيصلو

بجلي چورن خلاف ڪارروائي لاءِ پوليس ۽ رينجرز جون خدمتون حاصل ڪرڻ جو فيصلو ڪيو ويو آهي.

پاور ڊويزن قانوني واري وزارت سان گڏجي آرڊيننس جي تياري شروع ڪري ڇڏي آهي، بجلي چورن کي ڇهن مهينن کان ٽي سال قيد سزائون ۽ پنجاهه هزار کان 5 لکن تائين ڏنڊ جون تجويزون ڏنيون ويون آهن.

صدارتي آرڊيننس تحت بجلي چوريءَ جي ڪيسن جا جلد فيصلا ڪرڻ لاءِ خاص عدالتون قائم ٿينديون، اهي عدالتون 90 کان 120 ڏينهن ۾ فيصلو ڪرڻ جون پابند هونديون.

بجلي جي بچت لاءِ مارڪيٽ رات اٺين وڳي بند ڪرڻ واري تجويز تي صوبن سان صلاح مشورا ٿيندا ۽ ان سلسلي ۾ عوامي رابطا مهم به هلائي ويندي.