بينظير انڪم سپورٽ پروگرام پاران پنهنجي ملازمن کي اعزازي طور 22 ڪروڙ 40 لک رپيا قانون جي ابتڙ ادائيگي جو انڪشاف ٿيو آهي.
بي آئي ايس پي اها ادائگي مالي 2022-23 ۾ ڪئي، آڊيٽر جنرل بي آئي ايس پي کي اعزازي طور ادا ڪيل رقم کي قبول نه ڪرڻ جوڳو قرار ڏنو آهي.
رپورٽ موجب بي آئي ايس پي جي سمورن ملازمن کي مئي 2023 ۾ 2 اعزازي پگهارون ادا ڪيون ويون، ملازمن کي جون 2023 ۾ به هڪ پگهار اعزازي طور ڏني وئي.
جاري ڪيل رپورٽ موجب بي آئي ايس پي جي مختلف ونگز جي ملازمن کي به هڪ اعزازي پگھار ادائيگي ڪئي وئي.
انتظاميا جو موقف آهي ته بي آئي ايس پي پاران ملندڙ پگهار کي ظاهر ڪرڻ بدران ڳجهو رکيو ويو، بي آئي ايس پي ايڪٽ تحت سيڪريٽري بورڊ کي اھڙو اختيار حاصل آهي.
آڊيٽر جنرل مليل جواب کي رد ڪري ڇڏيو
آڊيٽر جنرل بي آئي ايس پي ملازمن کي اعزازيي جي مد ۾ ڪيل ادائيگي قانون جي ابتڙ ۽ واپس وٺڻ جي سفارش ڪري ڇڏي.
