تهران ۾ اسرائيلي حملي ۾ شهيد ٿيل حماس جي سياسي ونگ جي سربراهه اسماعيل هانيه جي تدفين اڄ قطر ۾ ٿيندي

تهران ۾ اسرائيلي حملي ۾ شهيد ٿيل حماس جي سياسي ونگ جي سربراهه اسماعيل هانيا کي اڄ قطر ۾ مٽيءَ ماءُ حوالي ڪيو ويندو. اسماعيل هانيا جو مڙهه قطر نيو ويندو، جتي دوحا ۾ سندس تدفين ڪئي ويندي. ان کان اڳ تهران ۾ اسماعيل هانيه جي جنازي نماز ادا ڪئي وئي. ايران جي سپريم ليڊر آيت الله خامنه اي اسماعيل هانيه جي جنازي نماز پڙهائي، جنهن ۾ هزارين ماڻهو شريڪ ٿيا. وچ اوڀر بابت يورپي مبصر دعويٰ ڪئي آهي ته  اسماعيل هانيا کي نشانو بڻائڻ لاءِ  اسرائيلي جاسوسي سافٽ ويئر استعمال ڪيو ويو، يورپي مبصر موجب اسرائيل اسماعيل هانيا جي واٽس ايپ  پيغام ۾ جديد ترين اسپائي ويئر لڳايا، اسپائي سافٽ ويئر اسرائيلي انٽيليجنس کي اسماعيل هانيا جي لوڪيشن بابت آگاهه ڪيو.