توشاخانا ڪيس ۾ سزا معطلي کانپوءِ تحريڪ انصاف چيئرمين کي سائفر ڪيس ۾ گرفتار ڪيو ويو آهي.
تحريڪ انصاف چيئرمين کي سڀاڻي تائين جوڊيشل رمانڊ تي اماڻيو ويو.
آفيشل سيڪريٽ ايڪٽ جي عدالت جي جج ابو الحسنات ذوالقرنين فيصلو ٻڌايو.
عدالت لکت ۾ آرڊر سپرينٽينڊنٽ اٽڪ جيل کي اماڻي ويو.
عدالت تحريڪ انصاف چيئرمين کي سڀاڻي عدالت ۾ پيش ڪرڻ جو به حڪم ڏئي ڇڏيو.
ان کان اڳ اسلام آباد هائيڪورٽ توشاخانا ڪيس ۾ تحريڪ انصاف چيئرمين کي ٽرائل ڪورٽ طرفان ٻڌايل سزا معطل ڪندي کيس ضمانت تي آزاد ڪرڻ جو حڪم ڏنو هو.