حيدرآباد پوليس ٻن ڌار ڌار مقابلن دوران ٻن جوابدارن کي زخمي حالت ۾ گرفتار ڪرڻ جي دعوى ڪئي آهي.
حيدرآباد پوليس جي ترجمان موجب، اي سيڪشن ٿاڻي جي حد فائر برگيڊ آفس ويجهو ڏوهارين سان مقابلو ٿي ويو، فائرنگ جي ڏي وٺ کانپوءِ هڪ جوابدار الله ڏنو گوپانگ کي زخمي حالت ۾ گرفتار ڪيو ويو جڏهن ته سندس ساٿي اونڌاهي جو فائدو وٺي فرار ٿي ويا.
ترجمان موجب، ٻيو مقابلو بي سيڪشن ٿاڻي جي پوليس جو بچاءِ بند وٽ ٿيو.
پوليس موجب، مقابلي دوران هڪ جوابدار آصف اقبال کي زخمي حالت ۾ گرفتار ڪيو ويو
پوليس ترجمان موجب، ٻنهي زخمين جوابدارن کي طبي امداد لاءِ اسپتال منتقل ڪيو ويو.
پوليس ترجمان جو وڌيڪ چوڻ هو ته گرفتار جوابدارن بابت وڌيڪ ڄاڻ ۽ سندن ڪرمنل رڪارڊ چيڪ ڪيو پيو وڃي.
