لنڊن ۾ پاڪستانين جي مظاهرن جو 4 ورهين ۾ ڇا فائدو ٿيو: نواز شريف

اڳوڻي وزيراعظم ۽ ن ليگ قائد نواز شريف چيو آهي ته اڄ آفيس ۾ سندس آخري ڏينهن آهي، پوءِ هو وطن لاءِ روانو ٿي ويندو. لنڊن ۾ صحافين سان ڳالهائيندي نواز شريف چيو ته هـُو سندس حق ۾ ۽ خلاف لکڻ وارن سمورن صحافين جو ٿورائتو آهي. هن چيو ته معاشري ۾ صحافت جو اهم ڪردار آهي، عوام صحافين جي راءِ کي اهميت ڏيندو آهي، صحافين افواهن، چغلي ۽ بهتان بازي کان پاسو ڪرڻ گهرجي ۽ تنقيد براءِ اصلاح هئڻ گهرجي. سندس چوڻ هو ته اڄ آفيس ۾ آخري ڏينهن ۽ پوءِ هو ڏيهه روانو ٿي ويندو. اڳوڻي وزيراعظم وڌيڪ چيو ته مريم اورنگزيب سميت ٻين عورتن جو لنڊن ۾ گهيراءُ ڪيو ويو، هتي پاڪستانين جي مظاهرن جو چئن سالن دوران ڪهڙو فائدو ٿيو آهي؟ مظاهرا ڪرڻا آهن ته پاڪستان وڃي ڪريو.