خانپور ويجهو مزدا تي هٿياربندن جي فائرنگ ۾ ٽي ڄڻا مارجي ويا جن جا لاش شڪارپور اسپتال منتقل ڪيو ويا.
ناپر ڪوٽ ٿاڻي جي حد ڪنڌڪوٽ روڊ لنڊي شاخ وٽ هٿياربندن مزدا مٿان هٿيارن جا منهن کولي ڇڏيا.
پوليس جو چوڻ آهي ته فائرنگ جي نتيجي ۾ مزدا ۾ سوار غلام بهادر بگٽي، علي جان بگٽي ۽ عبدالواحد بگٽي مارجي ويا.
پوليس جو چوڻ آهي ته مارجي ويلن جا مڙهه شڪارپور اسپتال منتقل ڪيا ويا، شڪ آهي ته ڌاڙيل هڪ ڄڻي کي اغوا ڪري ويا آهن.
پوليس موجب، مارجي ويل شڪارپور کان ڊيرا بگٽي وڃي رهيا هئا، وڌيڪ جاچ ڪئي پئي وڃي.
واضع رهي ته انڊس هاءِ وي تي بدامني سبب گاڏين مان ڦرلٽ ۽ اغوا جون وارداتون روز جو معمول بڻيل آهي
