دادو جي عدالت ام رباب چانڊيو جي ٽن گهر ڀاتين جي قتل ڪيس جي ٻڌڻي پهرين سيپٽمبر تائين ملتوي ڪري ڇڏي، ام رباب چانڊيو جو چوڻ آهي ته ڪيس ۾ نامزد سمورن جوابدارن جا نالا اي سي ايل ۾ شامل ڪيا وڃن، بااثر جوابدار ڪيس مان ڀڄڻ جي ڪوشش ڪري رهيا آهن.
دادو جي عدالت ۾ ام رباب چانڊيو جي والد، ڏاڏي ۽ چاچي جي قتل ڪيس جي ٻڌڻي ٿي.
ٻڌڻي دوران جوابدار سردار چانڊيو پاران پيش نه ٿيڻ تي عدالت پاران ڪاوڙ جو اظهار ڪيو ويو.
عدالت ڪيس جي ٻڌڻي پهرين سيپٽمبر تائين ملتوي ڪري ڇڏي.
عدالت ٻاهران صحافين سان ڳالهائيندي ام رباب چانڊيو جو چوڻ هو ته خطرا هئڻ باوجود عدالتن ۾ اميد سمجهي اچون ٿا ته اسان کي انصاف ملندو.
هن چيو ته ، جوابدار سردار چانڊيو ۽ سندس وڪيل اڄ عدالت ۾ پيش ناهن ٿيا، جوابدار ڀڄڻ جي ڪوشش ڪري رهيا آهن، سندن نالا اي سي ايل ۾ شامل ڪيا وڃن.
