روهڙي ڀرسان پوليس مقابلي ۾ هل ڏوهاري کي زخمي حالت ۾ گرفتار ڪرڻ جي دعويٰ ڪئي آهي.
جهانگڙو پوليس ۽ ڏوهارين وچ ۾ مبينا مقابلو ٿي پيو جنهن ۾ هڪ ڏوهاري کي گرفتار ڪيو ويو جنهن جي سڃاڻپ محمد نواز چاچڙ طور ٿي آهي.
ايس ايس پي سکر جي ترجمان موجب جهانگڙو پوليس فال موري وٽ ڏوه جي ارادي سان بيٺل ڏوهارين جو گهيرو تنگ ڪيو ته ڏوهارين پوليس مٿان انڌا ڌنڌ فائرنگ ڪري ڏني پوليس جي جوابي فائرنگ ۾ هڪ ڏوهاري کي ڄنگهه ۾ گولي لڳي جنهن کي زخمي حالت ۾ گرفتار ڪيو ويو آهي.
ترجمان موجب ڏوهاري جي قبضي مان پسٽل، ميگزين ۽ گوليون برآمد ٿيون آهن، گرفتار ڏوهاري سکر ضلعي جي مختلف ٿاڻن تي گهربل هو جنهن مٿان چوري، ڦرون ۽ پوليس مقابلن سميت ٻيا ڪيترائي ڪيس داخل ٿيل آهن.
پوليس موجب وڌيڪ ٻين ضلعن جي ٿاڻن تان ڏوهاري بابت رڪارڊ طلب ڪيو پيو وڃي ۽ زخمي ڏوهاري کي روھڙي تعلقي اسپتال مان طبي امداد بعد سکر جيل وارڊ ڏانهن منتقل ڪيو ويو آهي.
