ملڪي خزاني کي وڌيڪ نقصان کان بچائڻ لاءِ خساري وارن ادارن کي ترت خانگائڻ ضروري آهي,نگران وزيراعظم

نگران وزيراعظم انوارالحق ڪاڪڙ چيو آهي ته ملڪي خزاني کي وڌيڪ نقصان کان بچائڻ لاءِ خساري وارن ادارن کي ترت خانگائڻ ضروري آهي. انوار الحق ڪاڪڙ سان نجڪاري واري نگران وفاقي وزير فواد حسن فواد ملاقات ڪئي. ملاقات دوران نجڪاريءَ واري وزير، وزيراعظم کي خساري وارن ادارن کي خانگائڻ لاءِ کنيل قدمن کان آگاهه ڪيو. نگران وزيراعظم خساري وارن ملڪي ادارن کي خانگائڻ وارو عمل تيز ڪرڻ جي هدايت ڪئي. سندس چوڻ هوته  ملڪي خزاني کي وڌيڪ نقصان کان بچائڻ لاءِ خساري وارن ادارن کي ترت خانگائڻ ضروري آهي. وزيراعظم چيو ته ادارا خانگائڻ  ۾ سيڙپڪاري سهولت ڪائونسل جو ڪردار ساراهه جوڳو آهي.