استحڪام پاڪستان پارٽيءَ جي ترجمان فردوس عاشق اعواڻ چيو آهي ته سزا معطلي سان قيدي نمبر 804 نه صادق ۽ امين بڻيو نه ئي ڏوهاري مان بيڏوهي ٿيو.
اسلام آباد ۾ پريس ڪانفرنس ڪندي فردوس عاشق اعواڻ چيو ته هڪ فيصلو آيو، جنهن جي گونج ڪيترن ئي ڏينهن کان سوشل ميڊيا تي اچي رهي هئي، ثابت ٿي ويو ته طاقتور جڏهن به چاهي آئين ۽ قانون کي چٿي سگهي ٿو.
هن چيو ته ڪجهه دليون اڃا تائين قيدي نمبر 804 لاءِ ڌڙڪي رهيون آهن، ٻٽو معيار ڪيستائين هلندو؟ معاشري جي بگاڙ جو سهرو به قيدي نمبر 804 ڏانهن وڃي ٿو، کيس جيل ۾ هر سهولت ميسر آهي.
فردوس عاشق اعواڻ چيو ته آءِ پي پيز معاهدن سبب عوام تي بار وڌو پيو وڃي، واڳون وارا ڳوڙها ڳاڙيندڙن کي عوان سڃاڻي ٿو، حڪومت مهانگائي جي ستايل عوام کي رليف ڏي. استحڪام پاڪستان پارٽيءَ جي ترجمان چيو ته آبادگارن کي ڏکئي وقت ۾ اڪيلو نه ڇڏيو وڃي، ڀارتي پاڻي واري اڳرائي سان ڪيتريون وسنديون اجاڙي ڇڏيون.
