سعودي عرب ۾ ڊزني لينڊ آن آئس شو ڪرايو ويو جنهن ۾ ڪارٽون ۽ ايني ميٽڊ فلمن جي ڪردار پنهنجي شاندار پرفارمنس سان شوقينن کي ڀرپور تفريح فراهم ڪئي.
سعودي جنرل انٽرٽينمينٽ اٿارٽي طرفان ڊزني لينڊ جي هڪ سال مڪمل ٿيڻ جي خوشي ۾ رنگا رنگ شو ڪرايو ويو.
رنگا رنگ شو ۾ سوين ٻارڙن سميت ٻين شرڪت ڪئي.
ان موقعي تي ڊزني لينڊ جي ناليواري ڪارٽون ميڪي مائوس سميت ٻين ڪارٽون ڪردارن پنهنجي پرفارمنس جو مظاهرو ڪيو.
جادوئي ۽ افسانوي ڪردارن تي ٻڌل ايني ميٽڊ فلمن جي ڪردارن الادين ۽ مونا سميت ٻين فنڪارن فن جو مظاهرو ڪري ويٺل ماڻهن کي ڀرپور تفريح فراهم ڪئي.
سعودي عرب ۽ پاڪستان سميت ٻين پرڏيهين ڊزني لينڊ جي فنڪارن کي سندن پرفارمنس تي خوب داد ڏنو ۽ هڪ سال مڪمل ڪرڻ تي مبارڪ ڏني.
ڊزني لينڊ جي ترجمان جو چوڻ آهي ته ڊزني لينڊ جي سئو سال جو سفر انتهائي شاندار رهيو ۽ سندن ڪوشش آهي ته اڳتي به اهڙو ئي ڪاميابيءَ سان گڏ تفريحي سفر جاري رهي جنهن لاءِ جلد نون ڪردار کي سامهون آندو ويندو ۽ ڏسندڙ پسند ڪندا.