نيشنل پيپلزپارٽي جي سربراهه غلام مرتضيٰ جتوئي چيو آهي ته سنڌو درياهه مان ڪئنال ڪڍڻ جي منظوري پيپلزپارٽي ڏني، عوام جي ردعمل کانپوءِ هاڻي پيپلزپارٽي ڪئنالن خلاف احتجاج ڪري رهي آهي، پيپلزپارٽي مان جند ڇڏائڻ لاءِ سمورين ڌرين کي گڏجي ڪم ڪرڻو پوندو.
نوشهروفيروز جي دهشتگردي ٽوڙ عدالت ۾ اليڪشن دوران قتل ٿيل بلاول زرداري جي ڪيس ۾ پيشي بعد ميڊيا سان ڳالهائيندي غلام مرتضيٰ جتوئي چيو ته نيشنل پيپلزپارٽي ۽ فنڪشنل مسلم ليگ ۽ جي ڊي اي جو حصو آهن، زين شاهه جي اڳواڻيءَ ۾ ڪئنالن خلاف سڀ کان پهريان جي ڊي اي بيداري مارچ شروع ڪيو.
سندس چوڻ هو ته پ پ شهيد ڀٽو جي باني شهيد مير مرتضيٰ ڀٽو جي پڳدار پٽ ذوالفقار جونيئر جو سياست ۾ اچڻ سٺو سنوڻ آهي.
غلام مرتضيٰ جتوئي چيو ته پ پ ڪئنالن جي اجازت ڏئي هاڻي عوام کي بيوقوف بڻائڻ لاءِ مخالفت ڪئي پئي وڃي.
