سنڌ جي نگران حڪومت ٽن اڳوڻن خاص مدد گارن کي سرڪاري گاڏيون واپس نه ڪرڻ تي آخري مهلت ڏيندي نوٽيس جاري ڪري ڇڏيا آهن .
سروس جرنل ايڊمنسٽريشن کاتي پاران اڳوڻي وڏي وزير جي خاص مدد گار شهزاد ميمڻ، بنده علي لغاري ۽ بنگل خان مهر کي سرڪاري گاڏيون واپس نه ڪرڻ تي نوٽيس جاري ڪيا ويا.
سروس جرنل ايڊمنسٽريشن کاتي پاران ٽنهي اڳوڻن خاص مددگارن کان گاڏيون واپس ڪرڻ لاءِ اڳ به ٻه نوٽس اماڻيا ويا هئا.
ٽنهي اڳوڻن خاص مددگارن کي اماڻيل نوٽس ۾ اليڪشن ڪميشن پاران پنج آڪٽوبر 2023ع جي ڊيڊ لائن بابت آگاهي ڏني وئي
نوٽس ۾ چيو ويو آهي ته سرڪاري گاڏيون واپس نه ڪيون ته سندن خلاف قانون تحت ڪارروائي عمل ۾ آندي ويندي.
