سنڌ حڪومت صوبي ۾ هڪ هزار کان وڌيڪ خطرناڪ قيدن لاءِ نئين جيل ٺاهڻ لاءِ سوا 34 ڪروڙ رپيا جاري ڪري ڇڏيا آهن.
ان حوالي سان سنڌ جي گهرو کاتي، پوليس ۽ جيل کاتي کي 34 ڪروڙ 33 لک 18 هزار رپيا جاري ڪري ڇڏيا آهن.
اڏيرو لال ٿاڻي جي سيڪيورٽي ۾ واڌ جي به منظوري ڏني وئي آهي، چوڪنڊي ۾ ٽريفڪ پوليس جو هيڊ ڪوارٽر تعمير ڪرڻ جو حڪم ڏنو ويو آهي، اهڙي طرح سعودآباد ۾ ڊرائيونگ لائسنس برانچ قائم ڪرڻ جي منظوري ڏني وئي آهي.
گهرو کاتي ڪراچي سينٽرل جيل ۾ 10 ڪلاڪ ٽاور تعمير ڪرڻ ۽ شڪارپور جيل ۾ چار اضافي بيرڪ ٺاهڻ ۽ ڪراچي وومين جيل جي مرمت جي هدايت ڪئي وئي آهي.
دادو، حيدرآباد، سانگھڙ، شڪارپور ۽ لاڙڪاڻو جيلن جي خصوصي مرمت جي منظوريسان گڏ شڪارپور، سکر جيلن ۾ عملي جي رهائشگاھن لاءِ بائونڊري وال ٺاهڻ جي هدايت ڪئي وئي آهي.
گهرو کاتي جي سپريٽنڊنٽ انجنيئر پوليس ورڪس پروجيڪٽ ڊائريڪٽر پرزنر مئنجمنٽ يونٽ سنڌ کي خط لکي چيو آهي ته هڪ وقت مڪمل رقم جاري ڪئي وئي آهي، منصوبن تي ڪم جلد شروع ڪيو وڃي …
