- Advertisement -
سنڌ سميت سڄي ملڪ ۾ عيد ميلاد النبي صلعم سڀاڻي مذهبي عقيدت ۽ احترام سان ملهائي ويندي.
12 ربيع الاول تي سنڌ سميت سڄي ملڪ ۾ سيرت النبي جي عنوان تي سيمينار، ڪانفرنس ۽ نعت جون محفلون ڪوٺايون وينديون، جڏهن ته جلوس به ڪڍيا ويندا.
ميلاد النبي صلعم تي گهٽين، بازارن، ۽ مسجدن کي ساون جهنڊن، جهنڊين ۽ رنگ برنگي لائيٽن سان سينگاريو ويو آهي، جڏهن ته سرڪاري ۽ خانگي عمارتن تي لائيٽون لڳايون ويون آهن.
ميلاد مصطفيٰ صلي الله عليه وآله وسلم جي موقعي تي سنڌ سميت ملڪ جي مختلف هنڌن تي جلوس ۽ ريليون ڪڍيون وينديون، جن ۾ شرڪت ڪندڙ رستن تي درود پاڪ جا ورد ڪندا.
پوليس پاران عيد ميلادالنبي صه جي سلسلي ۾ سڪيورٽي جا سخت انتظام ڪيا ويا آهن.
حڪومت طرفان سڀاڻي عيد ميلاد النبي صه جي حوالي سان سڄي ملڪ ۾ عام موڪل جو اعلان ڪيو ويو آهي.- Advertisement -
