سياسي رابطن ۽ جوڙ ٽوڙ باوجود آئيني ترميمون اڻ ڄاڻايل مدي تائين ملتوي ڪرڻ جي مسلم ليگ نون جي سينيٽر عرفان صديقي تصديق ڪري ڇڏي.
پارليامينٽ هائوس ۾ ميڊيا سان ڳالهائيندي عرفان صديقي چيو ته آئيني ترميمون آڻڻ ۾ هفتو ڏهه ڏينهن به لڳي سگهن ٿا، اڄ قومي اسيمبلي ۽ سينيٽ جا اجلاس اڻڄاتل مدي لاءِ ملتوي ٿي ويندا.
سندس چوڻ هو ته پارليامينٽ مان ترميم منظور نه ٿيڻ حڪومت جي ناڪامي ناهي، سندن نمبر پورا آهن.
مسلم ليگ نون جي سينيٽر عرفان صديقي چيو ته قومي اسيمبلي ۽ سينيٽ جي نئين سيشن ۾ آئيني ترميم پيش ڪئي ويندي، آئيني ترميمي مسودي جي ڪجهه نقطن تي ڊيڊ لاڪ برقرار آهي، جي هر ڌر جو حق آهي.
هن چيو ته مولانا فضل الرحمان ڪيترن ئي نقطن تي متفق آهي، مسودو ڪڏهن به سامهون نه ايندو آهي.
مسلم ليگ نون جي سينيٽر عرفان صديقي چيو ته ترميمون منظور ٿي وينديون، کيس ان ۾ ڪابه وڏي رنڊڪ نظر نٿي اچي ۽ جيڪڏهن ترميم نه به آئي ته ڪا قيامت نه اچي ويندي.
