سپريم ڪورٽ نيب ترميمن بابت فيصلي خلاف وفاقي حڪومت طرفان داخل ڪيل انٽرا ڪورٽ اپيل ٻڌڻي لاءِ مقرر ڪري ڇڏي.
وفاقي حڪومت طرفان داخل ڪيل انٽرا ڪورٽ اپيل جي ٻڌڻي اڱاري ڏينهن ٿيندي.
چيف جسٽس قاضي فائز عيسيٰ جي سربراهي ۾ پنج رڪني لارجر بئنچ اپيل جي ٻڌڻي ڪندي.
جسٽس امين الدين، جسٽس جمالخان، جسٽس اطهر من الله ۽ جسٽس حسن اظهر رضوي لارجر بينچ ۾ شامل هوندا.
سپريم ڪورٽ وفاقي حڪومت جي اپيل تي ڪيس جي وڪيلن کي نوٽيس جاري ڪري ڇڏيا.
اڳوڻي چيف جسٽس عمر عطا بنديال پارليامينٽ طرفان منظور ڪيل نيب ترميمن کي ڪالعدم قرار ڏنو هو جنهن بعد اڳوڻي صدر ۽ 6 اڳوڻو وزيراعظمن سميت ڪيترن ئي سياستدانن جا ڪيس ٻيهر احتساب عدالتن کي اماڻيا ويا هئا
