شازيا عطا مري تحريڪ انصاف کي ڊجيٽل دهشتگرد قرار ڏئي ڇڏيو

پ پ ايم اين اي شازيا عطا مري تحريڪ انصاف کي ڊجيٽل دهشتگرد قرار ڏئي ڇڏيو، سندس چوڻ آهي ته اليڪشن ايڪٽ ترميمي بل سپريم ڪورٽ جي فيصلي خلاف ناهي، قانونسازي ڪرڻ رڳو پارليامينٽ جو ئي ڪم آهي، تحريڪ انصاف ڊجيٽل دهشتگردي ۾ ملوث آهي، ڊجيٽل دهشتگردي ذريعي ماڻهن جا پٽڪا لاٿا پيا وڃن، ملڪ وڌيڪ نفرتون برداشت نه ٿو ڪري سگهي، هڪ شخص کي سڀ ڪجهه ڏئي عوام کي بک مرڻ نه ڏنو ويندو. قومي اسيمبليءَ ۾ خطاب ڪندي شازيه مري چيو ته اليڪشن ايڪٽ بابت غلط تاثر ڏنو پيو وڃي، هي بل پارٽي سان وفاداري يقيني بڻائي ٿو ته غلط ڪيئن آهي. سندس چوڻ هو ته قانون سازي ڪرڻ پارليامينٽ جو ڪم آهي، عدالت جو ناهي، اليڪشن ايڪٽ ترميمي بل سپريم ڪورٽ جي فيصلي خلاف ناهي. پ پ ايم اين اي شازيه مري چيو ته ڊجيٽل دهشتگردي هاڻي هو برداشت نه ڪندا، چوندا هئا هڪ ڪروڙ نوڪريون ڏيندا، 50 لک گهر ٺاهيندا، تحريڪ انصاف ڊجيٽل دهشتگردي ۾ ملوث آهي. شازيه مري چيو ته ڊجيٽل دهشتگردي ذريعي ماڻهن جا پٽڪا لاٿا پيا وڃن، ملڪ وڌيڪ نفرتون برداشت نه ٿو ڪري سگهي، هڪ شخص کي سڀ ڪجهه ڏئي عوام کي بک مرڻ نه ڏنو ويندو.